د کینیا ولسمشر د دغه هېواد پر پارلمان برید د هېواد ملي امنیت ته ګواښ بللی او ژمنه یې کړې چې دا کار به تکرار نه شي.
د اسوشېټېډ پرېس په وینا ، ویلییم روټو څو ساعته وروسته له هغه وینا وکړه چې لاریون کوونکو د پارلمان ودانۍ ته اور ورته کړ.
لاریون کوونکو د یکشنبې په ورځ د کینیا د پارلمان پر ودانۍ حمله وکړه او له امنیتي ځواکونو سره یې نښتې وکړې.
هغوی د مالیاتو د زیاتولو د قانون په ضد احتجاج وکړ.
د یو شمېر اعتراض کوونکو د وژل کېدو او ټپي کېدو خبر ورکړل شوی، خو دا راپورونه په رسمي ډول نه دي تایید شوي.
په کینیا کې د پارلمان د ودانۍ په شاوخوا کې د جګړې له امله انټرنېټي شبکې ګډوډې شوې دي.