د ایراني معترض سندرغاړي توماج صالحي مدافع وکیل امیر رییسیان نن وویل چې د ایران سترې محکمې د ده د موکل د اعدام سزا لغوه کړې ده.
صالحي د مهسا امیني تر مرګ وروسته په ۱۴۰۱ لمریز کال کې د پراخو لاریونونو او مظاهرو د ملاتړ له امله بندی شو.
رییسیان په خپله ایکسپاڼه یا پخواني ټویټر کې لیکلي چې همداسې تمه وه چې ستره محکمه به د یوې ناسمې قضایي پرېکړې د لغوه کېدو حکم ورکوي.
امیر رییسیان د اپرېل په میاشت کې ویلي وو چې د اصفهان محکمې صالحي په اعدام محکوم کړی، تر دې وروسته په نړیواله کچه پر دې حکم اعتراضونه وشول.