د افغانستان د هوا پېژندنې ادارې نن او سبا په ۱۴ ولایتونو کې د نسبتاً درنو بارانونو او له دې کبله د سېلابونو د راوتلو او همداراز تېزو بادونو اټکل کړی.
د طالبانو د حکومت د ټرانسپورټ او هوايي چلند وزارت د هواپېژندنې ادارې په یوه بیان کې په دې ډله کې بدخشان، تخار، نورستان، کونړ، پنجشېر، لغمان، ننګرهار، پکتیا، پکتیکا، خوست، غزني، لوګر، میدان وردګ او بامیان ولایتونه یاد کړي دي.
دې ادارې د باران د ورښت کچه د ۱۵ او ۳۵ ملي مترو ترمنځ اټکل کړې ده.
په بیان کې د افغانستان په شمالي، لوېدیځو، جنوبي او مرکزي سیمو کې د بادونو اټکل هم شوی.