د طالبانو حکومت ویلي چې په غور کې یې سېلاب ځپلو ته د یوه ښارګوټي د جوړولو چارې پیل کړې.
د طالبانو په کنټرول کې د ارګ په بیان کې راغلي چې د طالبانو د ریاست الوزرا اقتصادي مرستیال ملا عبدالغني برادر تېره ورځ په غور کې د دغه ښارګوټي د جوړولو چارې پرانیستې.
د بیان پر اساس تمه ده په دغه ښارګوټي کې له دولتي بودیجې څخه ۲۰۰ کورونه، کلینیک، ښوونځی، مدرسه، د اوبو او برښنا شبکې جوړې او سېلاب ځپلو کورنیو ته وسپارل شي.
د ملا برادر په حواله راغلي چې حکومت یې د خلکو په فکر کې دی او هڅه کوي اړین خدمات ورته ورسوي.
غور د افغانستان له هغو ولایتونو دی چې تېرو څو اوونیو کې سېلابونو پهکې خلکو ته درانه مالي او ځاني زیانونه رسولي دي.