اوکراین او روسیې تېره شپه پر یوه بل د بې پيلوټه الوتکو بریدونه کړي دي.
د اوکراین وسلهوالو ځواکونو وویل، هوایي دفاع یې په اوو سیمو کې د روسیې له لوري توغول شوې ۱۷ بې پيلوټه الوتکې نسکورې کړي دي.
د اوکراین د هوایي ځواک په وینا، روسیې ۱۷ بالستیک او کروز توغندي هم توغولي چې نیمایي یې دوی شنډ کړي دي.
تر اوسه د مرګژوبلې راپور نه دی ورکړل شوی.
بل لور ته د روسیې دفاع وزارت ویلي چې د دوی ځواکونو ۷۸ اوکرایني ډرون الوتکې د کریمیا ټاپوزمه په ګډون په پنځو سیمو کې نسکورې کړې دي.
کریمیا ټاپوزمه په ۲۰۱۴م کال کې روسیې له اوکراین څخه بېله کړه او له خپلې خاورې سره یې یوځای کړه.