ترکیې او د امریکا متحدو ایالتونو د ایف۱۶ F-16 ډوله جنګي الوتکو د خرڅلاو په اړه موافقه لاسلیک کړه.
دا پرېکړه وروسته له هغې اعلان شوه چې واشنګټن تر څو میاشتنیو مذاکرو وروسته د ۲۳ میلیارد ډالرو په ارزښت د دې موافقې په اړه رضایت وښود.
د ترکیې د دفاع وزارت یوې سرچینې د فرانسې خبري اژانس ته نن ویلي، دغه موافقه لاسلیک شوه او د دواړو لوریو استازي پر جزییاتو په خبرو بوخت دي.
د دې موافقې له مخې به ترکیه له واشنګټن څخه ۴۰ نوې ایف۱۶ ډوله الوتکې رانیسي.