د فرانسې ولسمشر امانویل مکرون نن په پاریس کې د امریکا د متحد ایالتونو له ولسمشر جو بایډن سره غونډه کوي.
د دې خبرو اترو د اجنډا په سر کې د اوکراین مسئله ځای شوې ده.
ولسمشر بایډن د چهارشنبې په ورځ فرانسې ته ولاړ چې د پنجشنبې په ورځ یې د نورماندي د جګړې په اتیایمه کلیزه کې برخه واخیسته.
نورماندي هغه سیمه ده چې امریکایي ځواکونو او متحدانو یې د ۱۹۴۴م کال د جون په شپږمه هلته د نازي جرمني پر پوځیانو برید وکړ.
دغې حملې په دوهمه نړیواله جګړه کې د نازي جرمني له ماتې سره مرسته وکړه.
ټاکل شوې ده چې سبا د ولسمشر بایډن د فرانسې سفر پای ته ورسېږي.