ټاکل شوې د امریکا او چین د دفاع وزیران د همدې اونۍ په پای کې په سنګاپور کې کم ساري لیده کاته وکړي.
د فرانس پریس خبري اژانس د راپور له مخې لویډ اسټن او ډونګ جون به د شانګري-لا ډیالوګ د غونډې په څنډه کې سره وګوري.
د دغې امنیتي غونډې بحثونو کې د پام وړ مسلې د تایوان پر سر د چین او امریکا پر ناندریو ورټولې وي.
دا لیده کاته یوه اونۍ وروسته تر هغه کیږي چې چین د تایوان ټاپو شاوخوا پوځي مانورې وکړې.
متحده ایالتونه د یوه ډیموکرات او خپلواک تایون ملاتړ کوي، خو چین بیا غواړي چې د دغه ټاپو واک په خپل لاس کې ولري.
له تېرو اتلسو میاشتو راهیسې لومړی ځل دی چې د متحده ایالتونو او چین لوړپوړي پوځي مشران مخامخ سره کیني.