په نیپال کې د غره ختونکو مشهور لارښود "کامي ریتا" چې د همالیا د غرونو د ایوریست لوړې څوکې ته د ختلو ریکارډ یې ټینګ کړی، پرون چهارشنبې د دېرشم ځل لپاره د نړۍ دې تر ټولو لوړې څوکې ته وخوت.
د فرانسپرېس په وینا، ۵۴ کلن ریتا چې د ایوریست پر سړي مشهور شوی، په روانه میاشت کې دا دوهم ځل دی چې دې څوکې ته خېژي.
د نورو غر ختونکو دغه لارښود د مې په ۱۲مه دغې لوړې څوکې ته ختلی و.
تنظیمونکو ویلي چې د هغه روغتیایي وضعیت ښه دی.
تېر کال له ۶زره زیاتو غره ختونکو د همالیا د غرونو دغه لوړې څوکې ته ځانونه رسولي و او اتلسو هم دې هدف ته د رسېدو په لاره خپل ژوند له لاسه ورکړی و.