د طالبانو حکومت ویلي، د ملا برادر په مشرۍ لوړپوړی پلاوی نن چهارشنبه د ایران د ولسمشر په جنازه کې ګډون کوي.
د طالبانو د حکومت ویاند ذبیحالله مجاهد په ایکس پاڼه کې لیکلي چې د رییس الوزرا له اقتصادي مرستیال عبدالغني برادر سربېره د بهرنیو چارو سرپرست وزیر امیرخان متقي هم تهران ته تللی دی.
د ایران د ولسمشر ابراهیم رییسي جنازه په څو ښارونو تبریز، قم، تهران او بلاخره مشهد کې ترسره کېږي.
ريیسي د یکشنبې په ورځ په ختیځ اذربایجان ولایت کې د هیليکوپټرې د لوېدو په پېښه کې له اوه نورو کسانو سره چې د بهرنیو چارو وزیر حسین امیر عبداللهیان هم پهکې شامل وو ووژل شو.