د نړیوالې جزايي محکمې څارنوال کریم خان نن دوشنبې وویل چې ده د جنګي جنایتونو د تورونو په خاطر د اسراییل د صدراعظم بنیامین نتنیاهو، دفاع وزیر یواف ګالانت او د حماس د درېیو مشرانو د نیونې حکمونه صادر کړي دي.
امریکا او اروپايي اتحادیه حماس تروریستي ډله ګڼي.
کریم خان همداراز د حماس د یوه مشر یحیي ابراهیم سنوار، د دې ډلې د پوځي څانګې قوماندان محمد المصري او د سیاسي دفتر د ريیس اسماعیل هنیه د نیولو حکمونه صادر کړي دي.
اوس به تر محاکمې مخکې د قاضیانو یو پلاوی دا تشخیصوي چې ایا شواهد د دوی د نیولو کېدو سبب کېږي او کهنه.
اسراییلي او فلسطیني چارواکو تر دې مخکې د جنګي جنایتونو په اړه تورونه رد کړي دي.
د رویترز د راپور له مخې، د جرمونو نړیواله محکمه ۱۲۴ کسیزه محکمه د نیولو امر نه لري او امریکا او اسراییل له اوږدې مودې راهیسې د غزې د جګړې په اړه له تحقیقاتو سره مخالفت کوي.