په قرغیزستان کې لږترلږه ۳۰ بهرني محصلان ټپیان شوي

د قرغیزستان حکومت ویلي چې د مې د میاشتې د اوولسمې او اتلسمې په شپه کې په پلازمېنه بشکیک کې د بهرنیانو په شمول ۳۰ محصلان ژوبل شوي دي. داسي ښکاري چې ځايي اوسیدونکي په بهرنیو محصلانو او کډوالو پارېدلي وي. د ازادې اروپا/ ازادي راډیو د قرغیزي څانګې د راپور له مخې، دا تاوتریخوالی د پاکستان له دیپلوماتیک غبرګون سره مخامخ شوی دی. د هند او پاکستان چارواکو په بشکیک کې خپلو اتباعو ته ویلي چې د اوسیدو له ځایونو ونه وځي.