د افغانستان او سریلانکا د الف لوبډلو ترمنځ یوازینۍ څلور ورځنۍ سیالۍ نن شنبه پیل شوې ده.
د دې سیالۍ پچه افغان لوبډلمشر احسان الله جنت ګټلې وه، خو توپ اچونه یې غوره کړې ده.
د کرکټ بورډ له لوري اعلان شوی لوبډلمشر اکرام علیخیل د ټپونو له امله په دې لوبه کې نه لوبیږي.
د سریلانکا لوبډلې د لومړۍ ورځې تر ناوخته د ۵ لوبغاړو په له لاسه ورکولو سره ۲۵۷ منډې کړې دي.
تر دې دمه په افغان توپ اچونکو کې ضیاالرحمن اکبر ۳، ابراهیم شریفي او خلیل ګربز یو ـ یو لوبغاړی سوځولی دی.
د ویلو ده چې سیالي به د می میاشتې تر ۱۴مې نیټې دوام ولري.