د ایران د سیستان او بلوچستان ولایت په مرکز زاهدان کې تېره شپه په یوه وسلهواله نښته کې یو تن وژل شوی او درې نور ټپیان دي.
د ایران دولتي خبري اژانس، ایرنا وايي چې له نښتې وروسته رضاکار یا بسیجي ځواکونه د پېښې سیمې ته واستول شول.
له بلې خوا د ایران سپاه پاسداران ته نژدې خبري اژانس فارس ویلي چې څلور تنو ته مرګ ژوبله اوښتې ده.
دغه اژانس نښته د څو تنو ترمنځ د شخصي اختلاف له کبله بللې ده.
خو حال وش ویبپاڼې په خپل ټلګرام کې ویلي چې د ایران د ملېشه ځواکونو او نامعلومو وسلهوالو ترمنځ نښته شوې او دوه ساعته یې دوام کړی دی.