هغه کښتۍ چې د المپیک مشال پهکې بار دی نن له یونان څخه د پاریس په لورې روانه شوه.
د رویټرز اژانس د راپور له مخې د ۱۹مې پېړۍ دا بېړۍ نن سهار د پیریوس له بندره رهي شوه او وروسته له یولسو ورځو به د مې میاشتې په اتمه د فرانسې په لوېدیځ کې مارسي ښار ته ورسېږي.
د المپیک لوبو تنظیموونکو پرون د یو لړ مراسمو په ترڅ کې د یونان په پلازمېنه اتن کې د پاناتینایکو په لوبغالي کې مشال ترلاسه کړ.
د المپیک لوبې د جولای په ۲۶مه په فرانسه کې پيلېږي.