د هندوستان غوره لیګ ۱۸مه سیالي نن د سن رایزر حیدراباد او چینای سوپرکینګز لوبډلو ترمنځ ترسره کېږي.
یاده سیالي به د کابل پر وخت ماښام ۶:۳۰ بجې د حیدراباد په ښار پیل شي.
په روان "ایپيایل" کې چینای په درې سیالیو کې دوه ګټلي، یوه یې بایللې او د نومرو په جدول کې درېیم مقام لري. حیدراباد بیا په درې سیالیو کې دوه بایللي، یوه یې ګټلې او په ۷م مقام کې قرار لري.
د "ایپيایل" څارونکي تر ډېره پورې دواړه لوبډلې پياوړې یادوي او د دوی په ګومان نننۍ سیالي به د ټورنمنټ غوره سیالي وي.
د ویلو ده چې تر دې دمه د روان "ایپيایل" د نومرو په جدول کې د کلکته نایټ رایډرز لوبډله په اول مقام کې قرار لري.