د فلسطین د سرې میاشتې ټولنې پرون وویل چې اسراییلي ځواکونو د غزې په جنوب کې دوه نور روغتونونه هم کلابند کړي دي.
دا په داسې حال کې ده، چې اسراییلي پوځیانو له شا و خوا یوې اوونۍ د حماس ډلې د وسلهوالو په نښه کولو په هدف، د غزې د عمده روغتون الشفا په شاوخوا کې خپلې جګړې ته شدت ورکړی دی.
د امریکا متحد ایالتونه او اروپايي ټولنه، توندلارې ډله حماس یو تروریستي سازمان ګڼي.
له کله چې په اکټوبر میاشت کې په غزه کې جګړه پیل شوې، اسراییل پر روغتونونو او د روغتونونو په شاوخوا کې خپلې چاپې زیاتې کړي دي.
اسراییل وايي د حماس ډلې جنګیالي په روغتیايي مرکزونو کې فعالیت کوي، هغه تور چې حماس ډلې رد کړی دی.
د فلسطین سره میاشت وايي، د اسراییل پوځي موټرونه د غزې د جنوب په خان یونس کې ناصر او الامل روغتونونو ته نږدې شوې دي.
پرون له دې سیمې د سختو بمباریو او وسلو د ډزو غږونه هم اورېدل شوي دي.