د امریکا د ولسمشر ډونالډ ټرمپ پخوانی سلاکار پیټر ناوارو د امریکا د کانګرس پر ودانۍ د جنورۍ د شپږمې نېټې د برید اړوندو جرایمو په خاطر په زندان محکوم شو.
ناوارو، د ټرمپ د ادارې لومړی جګپوړی چارواکی دی چې له څلورو میاشتو بند سره مخ کېږي.
هغه تورن دی چې د کانګرس یوې پلټونکې کمېټې ته یې ۲۰۲۱ کال د جنوري په شپږمه د کانګرس په ودانۍ یا کپېټول هیل د ټرمپ د پلویانو د بغاوت په اړه د څېړنو لپاره د ځینو اسنادو له ورکولو څخه انکار کړی دی.
په میامي کې فدرالي زندان ته تر تګ دمخه خبریالانو سره په خبرو کې، ناوارو له عدلي سیسټمه د وسلې په توګه پر کار اخیستلو نیوکه وکړه.