اروپايي تولنه چمتووالی نیسي چې د روسیې او بېلاروس د غلو دانو پر وارداتو یو لړ مالیې وضع کړي څو د اروپايي ټولنې ځینې غړي او د دې هېوادونو کروندګر خوشاله کړي.
فایننشل ټایمز ورځپانې چې د دې پلان جزییات یې لیدلي، راپور ورکړی چې تمه ده اروپايي کمېسیون به په راتلونکو څو ورځو کې د روسیې او بېلاروس د غلو دانو د محصولاتو پر هر ټن ۹۵ یورو اضافي مالیه وضع کړي.
راپور زیاتوي چې د بېلاروس او روسیې د تېلو، کرنیزو تخمونو او ځینو نورو محصولاتو پر وارداتو به هم پنځوس سلنه مالیه ولګول شي.