د جرمني صدراعظم اولاف شولز په غزه کې د روژې په میاشت کې د دومداره اوربند غوښتنه کړې ده.
شولز پرون (د مارچ ۱۰مه) په یوه ویډیويي پیغام کې وویل چې اوربند باید دا هم یقیني کړي چې اسراییلي یرغمل شوي کسان د حماس له لاسونو خلاص شي.
حماس چې د امريکا او اروپايي ټولنې له خوا يو تروريستي سازمان بلل کېږي، د اکتوبر د اوومې نېټې په بريد کې يې شاوخوا ١٢٠٠ کسان ووژل او ٢٤٠ نور يې يرغمل کړل.
د جرمني صدراعظم په دې باور دی چې د فلسطین او اسراییلو د خلکو لویه برخه سوله غواړي.
اوس په غزه کې جګړه شپږمې میاشتې ته داخله شوې او د ملګرو ملتونو د بشري مرستو د همغږۍ دفتر د معلوماتو له مخې، د مارچ تر پنځمې پورې په غزه کې تر ۳۰ زرو ډېر کسان وژل شوي دي.