د تعلیم په برخه کې یو فعال بنسټ وايي چې په پاکستان کې د افغان کډوالو تر نیم میلیون ډېر ماشومان له زده کړو محروم دي.
د «الف اعلان» په نوم دغه بنسټ پرون وویل چې د پاکستان په ښارونو او کمپونو کې د ۵ او ۱۶ کلونو ترمنځ۵۷۰ زره افغان ماشومان ښوونځیو ته له تلو پاتې دي.
د دې بنسټ په وینا، دا شمېر د کډوالو لویه کمېشنري هم تاییدوي.
دا شمېر دې ته په کتو زیات دی چې د تېر کال له اکتوبر وروسته پاکستان تر ۵ لکه ډېر افغان کډوال بېرته افغانستان ته وګرځول.