د روسیې د دفاع وزارت وايي چې نن (د مارچ ۷) یې د روسیې په درېیو سیمو کې شپږ اوکرایني بې پیلوټه الوتکې نسکورې کړې دي.
د دغه وزارت په وینا، یوه بې پیلوټه الوتکه په کورسک، درې بې پیلوټه الوتکې په براینسک او دوه نورې بې پیلوټه الوتکې د تولا په سیمه کې له منځه تللې دي.
یوه ورځ مخکې، د اوکراین بې پیلوټه الوتکې د کرسک سیمې په میخیلوفسکي کان کیندنې او ټیکنالوژۍ فابریکه برید وکړ او د اور لګېدنې لامل شو.
اوکراین تر اوسه د دې خبر په اړه تبصره نه ده کړې او د روسي چارواکو څرګندونې په په خپلواکه توګه د تایید وړ نه دي.