د حماس سختدریځه ډله وايي چې استازي یې د سولې د منځکړو د غوښتنې په اساس د اوربند د موافقې په اړه د خبرو د دوام لپاره په قاهره کې پاتې کېږي.
دا ډله چې اروپايي ټولنې او متحدایالات یې د یوې تروریستي ډلې په توګه پېژني دا څرګندونې داسې مهال کوي چې د تېرو دوو ورځو په خبرو کې کوم پرمختګ نه دی شوی.
په قاهره کې په روانو خبرو کې مرکچیان په غزه کې د څلوېښتو ورځو په مخه د اوربند د ټینګولو لپاره هڅه کوي.
د پلان له مخې د دې اوربند پرمهال به حماس اسراییلي برمته خوشې کوي او بشري مرستې به راروانه اونۍ د روژې له پیلېدو مخکې غزې ته پرېښودل شي.