د سپینې ماڼۍ ویانده وایي، د دوحې تړون په افغان حکومت کې د دوی شریکان کمزوري او طالبان پیاوړي کړل.
کارن ژان پییر دا خبره پرون په واشنګتن ډي سي کې خبرې غونډې ته وکړه او زیاته یې کړه چې د ولسمشر ډونالډ ټرمپ د حکومت په وخت په دوه زره شلم کال کې دا تړون لاسلیک شوی و چې د جمهور رییس جو بایډن حکومت له یوه ترسره شوي عمل سره مخامخ و.
د هغې په وینا، دوی ته د تړون له عملي کیدو پرته بله لاره نه وه.
له ننه څلور کاله مخکې د قطر په پلازمینه کې د امریکا د هغه وخت د جګپوړي دیپلومات زلمي خلیلزاد او د طالبانو د سیاسي دفتر د مشر ملا عبدالغني برادر ترمنځ دا تړون لاسلیک شو.
زموږ همکار د جرمني په برلین کې د پوهنتون له استاد محمد اسحق اتمر نه د مرکې په پیل کې پوښتنه وکړه، چې د امریکا د حکومت د یوې ویاندې دا څرګندونې په څه معنی دي؟
د دې مرکې د اورېدو لپاره لاندې لېنک کېکاږلی شئ:
Your browser doesn’t support HTML5
له محمد اسحاق اتمر سره مرکه