د ایران د جنوب ختیځ په یوه کلیواله سیمه کې یوه کس خپلو ۱۲ خپلوان وژلي دي.
په کرمان کې د قضایي چارو مشر ابراهیم حمیدي ایراني رسنیو ته وویل چې دې کس په کلاشینکوف پر خپل پلار، ورو او نور خپلوانو ډزې وکړې.
د حمیدي په وینا، داسې ښکارې چې د کورنۍ اختلاف له امله دا پېښه رامنځته شوې وي.
د راپورونو له مخې په وژل شویو کې یو شمېر ماشومان دي.
ایرنا خبري اژانس وایي، د دېرش کلن مشکوک کس د نیولو هڅې روانې دي.
د دې کس نوم نه دی افشا شوی.