د اوکراین ولسمشر ولودمیر زلینسکي نن جمعه د جرمني له صدراعظم اولاف شولڅ سره د خبرو لپاره برلین ته ورسېد.
زلینسکي به وروسته فرانسې ته ځي چې هلته له خپل فرانسوي سیال امانویل مکرون سره د ملاتړ او مرستو جلبولو لپاره وګوري.
د اوکراین ګڼ شمېر ځواکونه د هغو حملو مقابله کوي چې روسیې د اوکراین پر ختیځ ښار افدییفکا شدت ورکړی دی.
زلینسکي چې ټاکل شوې سبا د مونشن په امنیتي کنفرانس کې وینا وکړي، نن په خپله ایکس شبکه کې لیکلي: دوې مهمې ورځې پیلوم چې په جرمني او فرانسه کې له شریکانو سره ګورم، نوې موافقې کوم او د مونشن په امنیتي کنفرانس کې ګډون کوم.
هغه لیکلي چې د اوکراین له عادلانه شرایطو سره سم د اوسنۍ جګړې د فوري ختمولو لپاره هره هڅه کوي چې د سولې سبب شي.