د امریکا د استازیو جرګې د بهرنیو اړیکو کمېټه وایي چې د دوحې د موافقې په اړه چې ولې د ولسمشر جوبایډن د ادارې لهخوا نهده عملي شوې، غونډه جوړوي.
دې غونډې ته چې دقیق وخت یې نه دی څرګند شوی، د افغانستان د سولې لپاره پخوانی استازی زلمی خلیلزاد هم بلل شوی چې د دې کمېټې د غړیو پوښتنو ته به ځوابونه وایي.
د دې کمېټې مشر جمهوریپال مایکل مککال له افغانستانه د امریکایي ځواکونو د وتلو یو له سر سختو منتقدینو دی.
د امریکا او طالبانو ترمنځ د دوحې موافقه چې د ۲۰۲۰م کال د فبرورۍ میاشتې په ۲۹مه لاسلیک شوې، یو مورد یې له افغانستانه د ټولو امریکایي ځواکونو وتل و.
د دغو ځواکونو د بشپړ وتلو پروسه د ۲۰۲۲م کال د اګسټ میاشتې په پای کې هغه مهال بشپړه شوه چې د همدې میاشتې په پنځلسمه یې طالبانو کابل ونیوه.