د سویلي افریقا د شل اوریز لیګ دویم پړاو نن شنبه د کابل پر وخت ماښام ناوخته پای ته ورسېد.
پایلوبه د سن رایزر اېسټرن کېپ او ډربن سوپرجاینټز لوبډلو ترمنځ ترسره شوه چې د ۸۹ منډو په توپیر سن رایزر وګټله.
دا په پرله پسې توګه دویم ځل دی چې سن رایزر د یاد لیګ اتلولي ګټي.
د پایلوبې په بایلونکې لوبډلې ډربن کې افغان لوبغاړي نوین الحق هم په پایلوبه کې ولوبید، خو کومه وېکټ یې وانخیسته.
هغه په ۴ اورونو کې ۳۹ منډې وکړې.
په پایلوبه کې سن رایزر لوبډلې د ۲۰۵ منډو هدف ټاکلی و او ډربن لوبډلې یوازې ۱۱۵ منډې وکړې او ټول لوبغاړي یې وسوځېدل.
د ویلو ده چې په یاد لیګ کې پر نوین الحق سربېره، نوراحمد هم د سوپرجاینټز په لوبډله کې ولوبیده.