طالبان وايي چې د بدخشان ولایت په شهربزګ ولسوالۍ کې د واورې د ښوییدو له کبله ۳ تنه مړه شوي دي.
ملي تلویزیون چې د طالبانو تر کنټرول لاندې دی، نن (یکشنبې) پر خپله ایکسپاڼه د بدخشان د امنیه قومندانۍ پر اساس ویلي چې د مړو شویو کسانو جسدونه د سیمې د اوسیدونکو په هڅه له واورو راایستل شوي دي.
په وروستیو څو ورځو کې د افغانستان د یو شمېر نورو سیمو ترڅنګ په بدخشان کې درنې واورې اورېدلي او له کبله یې د دې ولایت د څو ولسوالیو ترمنځ لارې بندې شوي دي.