امریکا او اروپايي ټولنې د بېلاروس رژیم دا اوونۍ پر سیاسي مخالفانو د بریدونو په خاطر تر نیوکو لاندې نیولی.
د بشري حقونو مدافع ډلو ویلي چې د بېلاروس امنیتي ادارو څه باندې ۱۵۰ تنه نیولي دي.
د ویاسنا بشري حقونو ډلې ویلي چې د بېلاروس رژیم د سیاسي بندیانو کورنۍ او تازه خوشې شوي خلک هدف ګرځولي.
د اروپايي ټولنې د بهرني سیاست مشر جوزپ بورل ویلي دا ټولنه وروستۍ ځپنې په تر ټولو سختو ټکو غندي.
واشنګتن هم په ورته اقدام کې پر بشري حقونو د بېلاروس د رژیم حملې او د هغه هېواد د خلکو د ډيموکراټیکو هیلو د ماتولو لپاره هڅې غندلي.