ازبکستان او پاکستان په افغانستان کې د ټرانسپورټ او مواصلاتو پر موجوده پروژو خبرې کړي دي.
دغه مسئلې د افغانستان لپاره د ازبکستان او پاکستان د ځانګړو استازو عصمت الله ایرګاشیف او اصف دراني ترمنځ خبرو کې یادې شوې.
دغه ملاقات په تاشکند کې شوی دی.
تریند خبري اژانس چې تر ډېره د منځنۍ اسیا او قفقاز سیمې پېښې راپور کوي نن چهارشنبه لیکلي چې دواړو لوریو د ترمز-مزارشریف او کابل-پېښور پر ریل لارو خبرې کړي دي.
د پاکستان چارواکو دغه پروژې د سیمه ییز اتصال لپاره مهمې بللې دي.
د رېل لارو د دغې پروژې لومړني لګښتونه ۵ میلیارده ډالره اټکل شوي.