د اوکراین ولسمشر ولودومیر زیلینسکي د څو تابعیت لرونکو قانوني مسوده وړاندې کړه.
که دا قانون تصویب شي بهرني جنګیالي به وتوانیږي د اوکرایین پاسپورټ ترلاسه کړي، پرته له دې چې خپل مخکینی تابعیت منسوخ کړي.
زیلینسکي چې پرون د اوکرایین د یووالي د ورځې په لمانځغونډه کې غږېده، وویل نن باید نه یواځې د خلکو د یووالي د لا پیاوړتیا؛ بلکې د خپلواکۍ او د اوکرایین د تاریخ او رښتیني حق لپاره دا ګام پورته کړو.
هغه بیا وویل چې د اوکرایین پاسپورټ به د یرغلګر هېواد خلکو ته نه ورکول کېږي چې اشاره یې روسیې ته وه.