په داسې حال کې چې په پاکستان کې د عمومي انتخاباتو په درشل کې د تشدد پېښې زیاتې شوي دي، د پاکستان په پلازمېنه اسلام آباد کې نن پوهنتونونه او ښوونځي د تروریستي بریدونو د احتمالي ګواښونو له کبله بند شول.
سرچینو د جرمني خبري آژانس ته ویلي، پر هغو دریو پوهنتونونو چې د پاکستان پوځ یې اداره کوي د حملو ځانګړی ګواښ شوی دی.
دا پوهنتونونه تر نامعلومې نېټې پورې بند شوي دي.
په پاکستان کې انتخابات د فبروري د اتمې نېټې لپاره پلان شوي دي.
د انتخاباتو ډېری کاندیدان د خپل امنیت له پلوه اندېښمن دي.