په کابل کې د طالبانو د حکومت امنيه قوماندانۍ، د کابل ښار د شپاړسمې ناحيې د سې شنبې ورځې په ماين چاودنه کې د ۳ تنو د وژل کېدو خبر ورکړی.
د دغې قوماندانۍ وياند خالد ځدراڼ، پر خپلې ايکس پاڼې " پخواني ټويټر " لیکلي چې دا چاودنه په الوخېل سیمه کې شوې چې ۴ تنه نور ېې ټپيان کړي دي.
د ځدراڼ په وينا، دغه ماین په يوه مارسيډيز موټر کې د ځای پرځای شوي ماين له امله شوې ده.
هغه زياته کړه چې د پېښې په تور يو شکمن کس نيول شوی، خو ده ېې هویت نه دی په ډاګه کړی.
د چاودنې مسووليت تر اوسه چا، یا کومې ډلې نه دی منلی.
په افغانستان کې د ۲۰۲۴ کال لومړنۍ چاودنه، د جنورۍ په ۶ مه د کابل په لويديز، دشت برچي سیمه کې وشوه چې تر ډېره شیعه ګان پکې اوسیږي.
د هغې چاودنې مسووليت د اسلامي دولت داعش ډلې، خراسان څانګې منلی و.