د ریښتر په مقیاس ۷ اعشاریه ۶ درجې زلزلې نن د جاپان د مرکز شمالي برخه ولړزوله.
د جاپان د هواپېژندنې ادارې په ساحلي سیمو ایشيکاوا، نیګاتا او تایوما کې د څونامي او خلکو ته د کورونو د تخلیې خبرداری ورکړی دی.
د زلزلې له کبله د احتمالي مرګ ژوبلې راپور لا نه دی ورکړل شوی، خو رویټرز اژانس لیکلي چې د څه باندې ۳۶ زره کورنیو بریښنا پرې شوې ده.
جاپان د ۲۰۱۱ کال په مارچ کې هم زورورې زلزلې ځپلی و چې هغه مهال نژدې شل زره کسان په کې وژل شوي وو.