د سربیا پولیسو د کرواسیا په پوله کې دوه افغانان د خلکو د قاچاق په تور نیولي دي.
د سربیا د کورنیو چارو وزارت په حواله پرون رسنیو راپور ورکړی چې له دغو دوو افغانانو سره یو مېل وسله او لسګونه مرمۍ نیول شوي.
پولیس وايي چې د انسانانو د دې قاچاقبرانو د بانډ د نورو غړو چې اکثر افغانان دي د نیولو هڅه کوي.
د سربیا امنیتي ځواکونو د ناقانونه کډوالو د نیولو لپاره له اکټوبر راهیسې عملیات شدید کړي چې تر دې دمه یې د راپورونو له مخې نږدې اوه زره ناقانونه کډوال، اته دېرش ماشینګڼې/ټوپک،۱۳ توپانچې او ۳۷۰۰ مرمۍ نېولي.