د روسیې د سوداګرۍ او صنایعو په خونه کې د یوه بحث پر مهال د جمعې په ورځ یوه روسي دیپلومات ټینګار وکړ چې طالبان دا وړتیا لري چې له دوی سره ځیني تړونونه وشي.
د روسي رسنیو په وینا، د روسیې د بهرنیو چارو په وزارت کې د اسیا د برخې یوه مسوول تیموفي بولیکوف وویل چې په کابل کې له سرپرستې ادارې سره د روسیې اړیکې د پراختیا په حال کې دي.
ښاغلي بولیکوف زیاته کړه چې روسیه د سوداګرۍ او اقتصاد په برخو کې له طالبانو سره اړیکي پراخوي.
تر دې مخکې د افغانستان لپاره د روسیې ځانګړي استازي ضمیر کابلوف له طالبانو بیا- بیا د یوه ټولشموله حکومت د جوړیدو غوښتنه کوله، خو د روسیې د سوداګرۍ او صنایعو د خونې په پرونۍ غونډه کې دا مساله یاده نه شوه.