د نولس کلنو ځوانانو د اسیایي سیالیو په نیمه پایلوبو کې نن عربي متحده اماراتو پاکستان او بنګلهدېش هندوستان ته ماتې ورکړې او پایلوبې ته ووتل.
د اماراتو لوبډلې پاکستان ته د ۱۹۴ منډو هدف ورکړی و او پاکستانۍ لوبډله په ۱۸۲ منډو وسوځېده.
یاده سیالي کوربه لوبډلې د۱۱ منډو په توپیر وګټله.
دا لومړی ځل دی چې امارات د دې سیالیو پایلوبې ته رسېږي.
بل لورته بنګلهدېش بیا هند ته د ۴ وېکټو په توپیر ماته ورکړې ده.
هند د ۱۸۹ منډو هدف ټاکلی و چې بنګلهدېش په ۴۳م اور کې د ۶ وېکټو په سوځېدو سره پوره کړ.
بنګلهدېش او عربي متحده امارات به د ډسمبر میاشتې په ۱۷مه نېټه پایلوبه ترسره کړي.