د غزې په تړانګه کې نن هم د اسراییلو پوځي عملیات روان دي.
اسراییل خپل اصلي متحد، امریکا ته ویلي چې د حماس ډلې د ځپلو عملیات ښايي څو نورې میاشتې هم وخت ونیسي.
حماس د امریکا او اروپايي ټولنې له خوا د تروریستې ډلې په توګه پېژندل کېږي.
اسراییلو د دې ژمنې په اساس چې حماس ډله به له ځپي او هغه شاوخوا ۲۴۰ کسان به ژغوري چې دې ډلې د اکټوبر د اوومې د برید پر مهال یرغمل کړي وو، د غزې په تړانګه کې پراخ پوځي عملیات پیل کړي دي.
د دې عملیاتو په نتیجه کې د غزې د کلابندې سیمې ډېره برخه ویجاړه شوې ده.
د غزې د روغتیا وزارت چې حماس یې اداره کوي وايي چې د اسراییلو په عملیاتو کې تراوسه له ۱۸۷۰۰ زیات فلسطینیان وژل شوي دي.