د ملګرو ملتونو د خوړو نړیوال پروګرام په افغانستان کې د دغه پروګرام د بشري مرستو لپاره د اروپايي اتحادیې د ۲۵ میلیونه یورو د اعلانېدو هرکلی وکړ.
د خوړو د نړیوال پروګرام پر اساس، د اروپايي اتحادیې دا نوې بسپنه به په افغانستان کې وږو او بې ځایه شویو کورنیو ته د خوړو په رسولو کې مرسته وکړي.
د خوړو نړیوال پروګرام وايي، په هرو درو افغانانو کې یو نه پوهېږي چې د راتلونکي وخت ډوډۍ به له کومه مومي او دا په داسې حال کې ده چې سخت ژمی هم راروان دی.