په کندهار کې د طالبانو سیمه ییز چارواکي وايي چې د استخدام کمېټې چارواکي د راستنیدونکو مهاجرینو په منځ کې مسلکي کسان پېژني او راجستر کوي.
د طالبانو د اطلاعاتو او کلتور ریاست د سې شنبې په ورځ (دسمبر ۱۲) پر اېکس پاڼه لیکلي چې له پاکستان څخه د شړل شویو مسلکي کسانو نوملړ به د کار او ټولنیزو چارو وزارت ته ورکړل شي.
خو دې ادارې دا ونه ویلي چې څومره افغان مسلکي کارکوونکي له پاکستانه ایستل شوي دي.
د ۲۰۲۱ کال په اګست کې د طالبانو له واک ته رسېدو سره لسګونه زرو مسلکي کارکوونکو خپلې دندې له لاسه ورکړي.
د راپورونو له مخې، په افغانستان کې د بې کارۍ بحران مخ په زیاتېدو دی.