د امریکا د بهرنیو چارو پخوانی وزیر او جګپوړی دیپلومات هنري کسینجر پرون (چهارشنبې) په سل کلنۍ کې مړ شو.
کسینجر له ویتنامه د امریکا په وتلو، له چین سره په اړیکو کې د خنډونو په لېرې کولو او د امریکا په بهرنۍ پالېسۍ کې مهم رول لوبولی و.
د ده په اړه ویل کېږي چې د امریکا د دوو پخوانیو ولسمشرانو ریچارډ نیکسن او جرالډ فورډ د واک په موده کې یې د نړۍ په چارو کې د پردې شا ته خورا اغېز درلود.
هنري کسینجر په ۱۹۷۳ م کال د نوبل د سولې جایزه وګټله.