د اوکراین ولسمشر ولودمیر زلنسکي پرون چهارشنبه جنوبي سیمې اودیسې ته ولاړ او په دغه بندري سیمه کې يې له ملکیانو او پوځي چارواکو سره وکتل.
دا هغه سیمه ده چې روسي ځواکونو په دوامداره توګه بمبار کړې او هلته یې د غلو دانو ګدامونه ویجاړ کړي دي.
زلنسکي ټینګار کړی چې په تور سمندر کې د غلې د تګ راتګ کوریډو باید خوندي وساتل شي.
د ازادي راډیو د خبر مرکزي څانګې لیکلي چې د اوکراین په اودیسې سیمه کې د ژمي سړې هوا او د واورو توپانونو هم تازه لږ تر لږه ۱۲ تنه وژلي او ۲۳ نور یې ټپيان کړي دي.
روسیې د ۲۰۲۲ کال د فبرورۍ په ۲۴مه پر اوکراین یرغل پيل کړی چې لا هم دوام لري.