د خیبر پښتونخوا په بنو کې په یوه برید کې نن د ۱۳ امنیتي ځواکونو په شمول ۲۱ تنه ټپیان شوي او یو تن وژل شوی دي.
د اکثرو ټپیانو حال نازک ښودل شوی دی.
د بنو امنیتي چارواکي وايي چې دا پېښه نن غرمه د بنو – میرانشاه پر لویه لار د ازاد منډي په سیمه کې شوې ده.
چارواکي وايي چې د ۱۳ ملېشه ځواکونو ترڅنګ ۸ ملکیان ټپیان شوي دي.
د پاکستاني طالبانو ویندوی محمد خراساني ویلي چې د دوی کسانو د ملېشه ځواک پر ګزمې برید کړی دی او په نتیجه کې یې هغو ته درنه مرګ ژوبله اړولې ده.