پر امریکايي ځواکونو پرون د عراق په یوه هوايي اډه کې برید وشو، چې په ځواب کې یې د امریکا یوې پوځي الوتکې د دفاعي اقدام په ترڅ کې د ایران پلوه ملېشو یو وسله وال وواژه.
رویټرز خبري اژانس د امریکايي چارواکو له قوله خبر ورکوي، چې د پلازمېنې بغداد په لویدیځ کې د امریکا هوايي اډه پرون د بالستیک توغندي په وسیله په نښه شوه.
د دغې پېښې په پایله کې اته تنه سرتېري ټپیان شول او نژدې تاسیساتو ته برسېرن زیان واوښت.
د پنټاګون ویاندې سبرینا سینګ وویل، د پوځ یوې الوتکې چې په هوا کې ګرځېدله، د ایران پلوه ملېشو موټر په نښه کړ.
د امریکا پوځ وايي چې په دې برید کې دښمن ته مرګ ژوبله واوښته.