وروسته له هغې چې د پاکستان موقت حکومت اعلان وکړ چې له دې هېواده به ټول غیرقانوني افغان کډوال باسي، د فرانسپرېس خبري اژانس د راپور پر بنسټ تراوسه ۱۶۵ زره افغان کډوال بېرته افغانستان ته ستانه شوي دي.
د پاکستان په بلوچستان ایالت کې د چمن سرحدي چارواکو فرانس پرېس ته ویلي، په دې وروستیو کې ټولټال څه باندې اته دېرش زره کسان له دې لارې افغانستان ته اوښتي دي.
په دغه هېواد کې د بې اسنادو افغان کډوالو د داوطلبانه ستنېدو لپاره د پاکستان له خوا ټاکل شوی ضرب الاجل پرون چهارشنبه پای ته رسېدلی او دا مهال پاکستاني چارواکو په بېلابېلو ښارونو کې د هغو افغان نیول او د ساتني موقتو مرکزونو ته استول پیل کړي چې په وینا یې د استوګنې اسناد نه لري.
ویل کېږي چې د پولیسو له خوا یو شمېر هغه افغان کډوال هم ځورول کېږي یا نیول کېږي چې پاکستان کې د استوګنې قانوني اسناد لري.