د نړۍ د اتلې لوبډلې انګلستان پر وړاندې د افغانستان د کرکټ د ملي ټیم بریا په کور دننه او بهر د ګڼو شخصیتونو له خوا ستایل شوې.
د کرکټ پخواني پېژندل شوي هندي لوبغاړي سچن تنډولکر په خپله ایکسپاڼه لیکلي چې افغان لوبغاړو په دواړو توپوهنې او توپ اچونې کې بې سارې لوبه وکړه.
هغه په تېره د رحمن الله ګربز پاڼۍ ډېره ستایلې ده.
د پښتون ژغورنې غورځنګ مشر منظور احمد پښتین افغان لوبغاړي ستایلي چې خپل انعامونه او فیسونه یې د هرات زلزله ځپلو ته بخښلي دي.
هغه ویلي چې افغان کرکټران نه یواځې کرکټ بلکې د ژوند په نورو برخو کې هم خدمت کوي.
د امریکا پخواني استازي زلمي خلیلزاد هم د کرکټ د دې بریا مبارکي ویلې.
پخواني ولسمشر حامدکرزي هم د بریا مبارکي ورکړې او ویلي یې دې چې هیله من دی نورو لوبو کې هم ښه مخکې لاړ شي.
د افغانستان د کرکټ ملي ټیم د ۲۰۲۳ کال په نړیوال جام کې د انګلستان ټیم ته د ۲۸۵ منډو هدف ورکړ.
سیال یې یواځې ۲۱۵ منډې وکړای شوې او لوبه د ۶۹ منډو په توپیر افغان ټیم وګټله.