د روسیې د بهرنیو چارو وزیر غواړي راروانه اوونۍ چین ته سفر وکړي او هلته پر بېلابېلو مسایلو له چینايي چارواکو سره وغږېږي.
د روسیې د بهرنیو چارو وزارت ویاندې ماریا زخارووا پرون سې شنبه وویل چې ولسمشر ولادمیر پوتین هم په نږدې راتلونکي کې چین ته د خپل سفر په چمتووالي بوخت دی.
زخارووا ویلي، چې لاوروف به له راروانې دوشنبې تر چهارشنبې د اکټوبر له ۱۶مې تر ۱۸مې د یوه کمربند، یوې لارې په فورم کې برخه واخلي.
د هغې په وینا لاوروف به د دې سفر پر مهال له خپل چینايي سیال وانګ يي سره هم پر ځینو مسایلو خبرې وکړي.