اسراییلي رسنیو د شنبې په ورځ د طبي سرچینو په حواله راپور ورکړ، چې د غزې له تړانګې څخه د پراخو بریدونو په پایله کې لږ تر لږه ۱۰۰ تنه اسراییلیان وژل شوي او شاوخوا ۹۰۰ تنه نور ټپیان شوي دي.
د روغتیا وزارت په وینا، په غزه کې د اسراییلو په ځوابي بریدونو کې ۱۹۸ کسان وژل شوي او ۱۶۰۰ نور ټپیان شوي دي.
د فلسطین وسله وال سازمان حماس د شنبې په ورځ په اسراییلو باندې ۲۲۰۰ توغندي توغولي دي.
د پوځ په وینا، وسله وال فلسطینیان هم د ځمکې، سمندر او هوا له لارې اسراییلو په لور ورغلي.
دواړو خواوو ته د مرګ ژوبلې شمیره په ډېرېدو ده.