د افغاني سرې میاشتې ټولنه وایي، په زړه سوري ۳۰ نور ماشومان یې د درملنې لپاره د کابل روغتونونو ته ور پېژندلي دي.
دغې ټولنې پرون یکشنبې په خپله اېکس پاڼه کې لیکلي، چې دغه ماشومان په کابل کې دوو داخلي روغتونونو ته ورپیژندل شوي او درملنه یې په وړیا توګه کیږي.
دا ټولنه وایي، په تېرو شاوخوا ۱۴ میاشتو کې ۱۸۶۹ د سوري زړه په ناروغۍ اخته ماشومان د درملنې او عملیاتو لپاره د هېواد دننه کورنیو روغتونونو ته ورپېژندلي او ټول لګښتونه یې دا ټولنه ورکوي.